پنچایت کیس،وزیراعلی شہبازشریف مظلوم بالڑی دی دادرسی سانگے ملتان پج گئے

ملتان۔27جولائی (اے پی پی )وزیراعلی پنجاب شہبازشریف خمیس کوں ملتان پج کراہیں زیادتی دا شکار تھیونڑ آلی راجہ پور دی رہنڑ آلی 12سال دی شمیم اتے پنچاےت دے فیصلے دی بھینٹ چڑھنڑ آلی 17سال دی عذرا نال ملاقات کیتی اتے انہاں کوں یقین ڈوایا جو مجرماں کوں کیفر کردار تئیں پجایا ویسی۔انہاں کوں انصاف ملسی اتے ایں بارے کوئی غفلت برداشت کائنا کیتی ویسی۔بعد اچ صحافیاں نال گالھ مہاڑ کریندیں ہوئیں آکھیا جو اگر16جولائی کوں تھیونڑ آلے پہلے واقعہ دے بعد پولیس حرکت اچ آویندی اتے ویلھے تے کاروائی کر یندی تاں پنچاےت دی نوبت نہ امدی۔انہاں آکھیا جو پہلے واقعہ دی رپورٹ وی ہک ہفتے بعد درج کیتی گئی اے۔انہاں آکھیا جو غفلت کرنڑ آلے پولیس اہلکاراں دے خلاف وی کاروائی کیتی ویندی پئی اے۔۔سی پی اوملتان احسن یونس کوں او ایس ڈی بنڑا ڈتے گئے جڈانجو ایس ایچ او تھانہ مظفرآباد راشد تھہیم سمیت تھانڑے دے بئے عملے کوں معطل کر ڈتا گئے ۔وزیراعلیٰ بئیا آکھیا جو لاہور توں اعلیٰ سطح دی تحقیقاتی ٹیم ملتان پجدی پئی اے جئیں اچ میں آرپی اوسرگودھا،سینئر پولیس آفیسر ملک ابوبکر اتے وزیراعلی انسپکشن ٹیم دے رکن شامل ہن۔اے کمیٹی 72گھنٹے اچ رپورٹ پیش کریسی۔مجرماں کوں کیفر کردار تئیں پجایا ویسی۔

مضمون کا ماخذ : لاٹری کی پیشگوئی

متعلقہ مضامین